أضف سؤال أو موضوع جديد          

سيارة الأسد اليابس نعومه وجمال وأمان

up 52 down 16
أنيقوه 1113
قبل 6 سنه و 8 شهر



دقيقه في واحد دق علي خلني ارد عليه 
( الوو ، هلا ، تبغى مين ؟ هند !!! هههههههه ايوه معاك هند وش تبغى ؟ ايوه انا هند بس مزكم 
ههههههههه  الرقم غلط ههههه انا غبي ؟ طوووط طووط طوووط ) 

معليش ياشباب بس واحد دق علي يبي يسأل عن الاراضي يبي يشتري ارض تجاريه
على شارعين بس شكله خلص الرصيد
ههههههههههه 
دعابه دعابه 

نبدأ موضوعنا 
صراحه اعتذر منكم مانزلت مواضيع لي شهور لكن تعبان هالشهور ومشغول بالعوال والدراسه 
الله يعين 
لكن قلت شرهه من الاعضاء لازم ننزل لهم موضوع يطيب خاطرهم 
طبعاً 
موضوعنا اليوم عن الاسد اليابس 
نعم انه الاسد اليابس 
ماتعرفونه ؟ هو فرنسي شفتوا كيف 
طبعاً سويت زياره للأسد اليابس 
وقلت خلني امر عليه اشوف وش علومه 

دخلت دخلت المعرض 
واذا به واقفن قدامي 
ماشاء الله تبارك الله 
لو اقول لكم ماراح تصدقون يا أخوياي  
اسد فيه تيربو ههههههههه 


بس بدون شعر هههههه محلق مدرجات عشان الكشخه هههههه

تتوقعون من هو الاسد ؟ 
الاسد هذا فيه مواصفات ماهي موجوده بالكامري ؟ 
ابسط شي الجلد الداخلي الاسد فيه جلد والكامري مخمل 
الاسد فيه خرايط الكامري مافيها 
الاسد فيه جنوط ١٩ والكامري مافيه 
الاسد فيه زينون والكامري مافيه 
الاسد فيه ماوس تحكم بالشاشه ورد على المكالمات والكامري مافيه 
الاسد فيه تعشيق التيبترونيك بالدركسون والكامري مافيه 
الاسد فيه تيربو والكامري مافيه 
الاسد فيه بروجكتر يعرض جميع البيانات في مستوى عين السائق والكامري كانت فيها وألغوها في موديل ٢٠١٤  لأنها لزقه فالقزاز وتخرب بشكل سريع 
الاسد فيه اضائه تحت المرايات الخارجيه والكامري مافيه 
الاسد فيه مكيف خلفي تحكم منفصل عن اليمين واليسار والكامري مافيه 
الاسد فيه ستائر جانبيه للركاب الخلفيين والكامري مافيه 
الاسد حائز على ٥ نجووم فالسلامه والكامري من اسوأ السيارات في السلامه 
الاسد فيه رادار والكامري مافيه 
الاسد فيه تبريد وتسخين مقاعد والكامري مافيه
الاسد فيه نظام قفل باب الشنطه اكتروني  والكامري تقفل شنطتها ٤ مرات ماتتقفل الا اذا خبطتها بقوه هههههه
الاسد فيه تشغيل بصمه والكامري مافيه 
الاسد فيه رشاشات ماء على الانوار الاماميه والكامري مافيه 
ومواصفات لم اعرفها بعد 
بسوي زي حقون الدعايات ههههههههه 

رحت الوكاله وشفت الاسد اليابس 
وركبتها صراحه خيااال خياال خياال 
جلست اسولف مع حق المبيعات ونرفع فالسياراه انا وياه هههههه 
يقول ولد عمي شرا له مثلها 
يقول كان ماشي ١٦٠ ومشغل اغاني  ،، الله يهديه 
وطلع تنبيهات صوتيه وفالعداد وما انتبه  الرجال للتنبيهات 
يقول وقف في المحطه شاف الكفر مشقق وحالته حاله 
شووف كيف الشركات الي تحافظ على المستهلك 
لاتقول الكامري تمسك سعرها 
انت منت شريطي 
انت مستخدم تبي امان وجمال وراحه وفخامه 
لاتجي وتنزل موضوع 
وتقول 
( كامري ولا سوناتا ماطلع إيرباقها متى بيطلع ؟ ) 
ماراح يطلع ياحبيبي 
انت من اول اذا تبي سلامه وامان بعد الله سبحانه 
خذ سياره ٥ نجوم فالامان 

تدرون بكم سعره الاسد ؟ 
١٠٠ الف بس 
ضمان مليون كيلو من الوكاله 

والكامري توصل ١٠٠ الف وتغير زيت القير عندهم ويخبط ويقولون لك الوكاله 
نحن نخلي المسؤوليه ههههههه 
طيب ميين الي غيره ياحلوين ههههههه 


الكامري ١٠٠ الف وفاضيه مافيها شي 
الأسد ١٠٠ الف فيها مواصفات موجوده في سيارات سعرها ٥٠٠ الف 
وكل واحد عقله معه وانا عقلي معي وانتم كيفكم هههههههه دقيقه جيب عقلي وين بتوديه هههههه حركات حقون الدعايات ههههههه

واخيراً 
صورت لكم الاسد اليابس 
والتصوير من كاميرتي ايفون 5 ههههههه 
استمتعوا 

وسامحونا مقصرين في حقكم 























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السياره مايعلا عليها في الامان 
بس مشكلتها الوكيل
خربت برمجة المفتاح في سياره لاحد الزملاء 
وماحصل تصليحها إلا في جده 
علا سطحه 
بعد ماجلست عنده أسبوع يدور في الصناعيه كل واحد يفتيه بمشكله
أخيرا وداها لجده والمشكلة برمجة مفتاح 


up 0 down 1
البراق15 1692
قبل 6 سنه و 8 شهر



البراق15

أنت من جدك برمجة مفتاح في الصناعة ؟؟؟!
طيب الوكيل و ين راح يسويلك برمجة و أنت واقف


up 0 down 0
أبو جـود 2746
قبل 6 سنه و 8 شهر