افيدوني الله يجزاكم خير ايش وضع السيارات الصينيه وايش افضل م

انصحك تروح شركة ام جي عندهم عروض وتسهيلات واسعار كويسة وبالتوفيق ان شاءالله

لا احد يتورط بالسيارات الصينيه مالها سوق عندنا ولاقطع غيار ولا فروع للصيانه
تاخذها تاجير منتهي بالتمليك شهريا تدفع لهم 1900ريال وبعد خمس سنين لما تخلص الاقساط يقولك ادفع الدفعه النهائية 40.000ريال
وقتها بتكون سيارتك مستخدمه خمس سنين يعني لو تبيعها ماتسوى 20الف وانت دافع عليها دفعه نهائية 40الف

اذا ماتقدر على سيارات صناعه يابانيه ... على الاقل خليك بالكوري مثل النترا وسيراتو ... الصيني اللي حاصل الآن إعلانات من مشاهير وهو والله ما يسوى ٣٠ الف ويقول لك جودة وضمان .. اي جودة تتكلم عنها وسيارة مالها ٥ سنين بالسوق واقل حتى والمشكله بعض اسعارها وصل سعر الكوري والياباني ... أدفع فلوسي واتحمل قسط على سلعة تستاهل وجودة عالية ماهو سيارة فلتر الزيت إلا بالوكاله ينباع وأحيان يقول لك مافيه انتظر .....

انا اشوف اسعارها صارت مبالغ فيها وغير مرغوبه عند البيع
حتى لو اخذتها بتحس بنقص او خوف من عطل مفاجئ او سوء الجوده
ريح راسك وشوف غيرها
شوف سيفك او كورلا او ماليبو اسعارها معقوله

اعرف واحد اخذ ام جي وصار له حادث وجلست بالوكالة 6 شهور ينتظر القطع توصل المشكلة اكتشف اسعار قطعها نار اغلى من الياباني

ماتلقى لها قطع غيار واذا حصلت تحصله غالي
خذ ياباني ولا كوري وريح راسك الصيني مهما كانت المغريات حاول تبعد عنه